గురూజీ ద్వారా అందించబడే ప్రాథమిక కోర్స్ ఇది పది రోజుల పాటు ఉంటుంది. ప్రతిరోజు రెండు గంటలు యోగ సాధన మరియు ఆధ్యాత్మికమైన సాధనలు వాటితో పాటుగా ఆహార నియమాలని అందివ్వటం జరుగుతుంది. ఈ కోర్సు ద్వారా మానవుల్లో ఉండే అనేక రకాలైన బలహీనతలను, చెడు సంస్కారాలను తొలగించి వారి సంకల్పాలను నెరవేర్చుకునే విధంగా సాధనలు చేయించబడతాయి. వివిధ రకాల రుగ్మతలతో ఇబ్బంది పడుతూ మానసికంగా కూడా బలహీనమవుతున్న వారికి ఈ కోర్సు ఒక వరం. కేవలం పది రోజుల్లోనే వారు ఎంతో శక్తివంతులుగా మారి తమ జీవితం పట్ల పూర్తి సకారాత్మకమైన దృక్పథాన్ని పొందుతారు. దీర్ఘకాలిక రుగ్మతల్ని నివారించుకునే సాధనలు అన్నీ అందించబడతాయి. ఈ పది రోజుల్లో వ్యాయామాలు, శ్వాస ప్రక్రియలు, ప్రాణాయామాలు, సూర్య నమస్కారాలు, కాయకల్ప, ఆసనాలు మరియు ప్రత్యేకమైన ధ్యానాలు నేర్పించి సాధన చేయించబడును.